GUUD-MAR
Guddiga Qaranka ee Tacliinta Sare (NCHE) waxaa lagu asaasay Sharci Baarlamaan No. 30 oo soo baxay 4-tii Diseembar, 2024. Maadaama uu yahay hay’ad sharci lagu dhisay, Guddiga wuxuu leeyahay shakhsiyad qaanuuni ah; taas oo u saamaxaysa inuu hanti maamulo, heshiisyo sharci ah galo, isla markaana dacwo ku furo magaciisa. Guddigu wuxuu u xilsaaran yahay hagidda, nidaaminta, horumarinta iyo tayodhowrka dhammaan Hay’adaha Tacliinta Sare ee dalka, ha ahaadeen kuwo dowladeed ama kuwo gaar loo leeyahayba.
In la xaqiijiyo horumarinta hay’adaha tacliinta sare ee Soomaaliya si ay u noqdaan xarumo aqooneed oo tayo sare leh, kuwaas oo ka jawaaba baahiyaha horumarineed ee dalka Soomaaliya; isla markaasna la jaan-qaada heerka tartanka caalamiga ah.
HIMILO
Himilooyinka Guddiga Qaran ee Tacliinta Sare
- Kordhinta aqoonta akademiga ah; iyada oo loo marayo waxbarasho iyo cilmibaaris.
- Horumarinta dhaqanka iyo dhaqaalaha qaranka.
- Ka qaybqaadashada qorshayaasha horumarineed ee qaranka ee la xiriira dhaqaalaha iyo arrimaha bulshada.
- Kobcinta tayada iyo halbeegyada waxbaridda iyo cilmibaarista.
- Xoojinta awoodda ardayda si ay si ay ugu fekeraan si xeel-dheer oo madax-bannnaa.
- Dhiirrigelinta fursado loo siman yahay oo ardayda iyo macallimiintuba ka helaan jaamacadaha iyo hay’adaha tacliinta sare.
- Abuurista deegaan loo dhan yahay oo dadka baahiyaha gaarka ah qaba ay si siman ugu helaan waxbarashada.
Qiyamka Aasaasiga ah